അടുക്കള നുറുങ്ങുകള്‍

1 .ഉപ്പുമാവ് ഉണ്ടാക്കുമ്പോള്‍ റവ അല്‍പ്പം എണ്ണ ഒഴിച്ച് ഇളക്കി യോജിപ്പിച്ച ശേഷം ഉണ്ടാക്കിയാല്‍ കട്ട കെട്ടുകയില്ല

2 . പച്ചക്കറികള്‍ പാകം ചെയ്യുമ്പോള്‍ ഉണ്ടാവുന്ന ഗന്ധം ഒഴിവാക്കാന്‍ ഒരു നുള്ള് സോഡാ പൊടി ചേര്‍ത്ത് പാചകം ചെയ്‌താല്‍ മതി.

3 .അച്ചപ്പം ഉണ്ടാക്കുമ്പോള്‍ തലേന്നോ രണ്ടു ദിവസം മുമ്പോ അച്ചു ഉപ്പുവെള്ളത്തില്‍ മുക്കി വക്കുക .അപ്പം അച്ചില്‍ ഒട്ടിപിടിക്കില്ല.

4 . തേങ്ങ പൊടിയായി തിരുമണമെങ്കില്‍ തേങ്ങാമുറി അഞ്ചു മണികൂര് ഫ്രീസെറില്‍ വച്ച ശേഷം തിരുമ്മുക

5 .മുട്ട പൊരിക്കുമ്പോള്‍ പാനില്‍ ഒട്ടിപിടികാതെ ഇരിക്കാന്‍ അല്‍പ്പം വിനാഗിരി പുരട്ടിയാല്‍ മതി

6 .അധികം വന്ന മോര് പുളിക്കാതെ ഇരിക്കാന്‍ അതില്‍ കുറച്ചു ഉപ്പും പച്ചമുളകും ഇട്ടു വച്ചാല്‍ മതി

7 . വെളിച്ചെണ്ണ കുറച്ചു മുരിങ്ങ ഇലയോ പഴം മുറിചിട്ടതോ ഇട്ടു മൂപ്പിച്ചാല്‍ എണ്ണയുടെ കനപ്പ് മാറും .

8 . പാല് ഉറ ഒഴിക്കാന്‍ തൈരോ മോരോ ഇല്ലെങ്കില്‍ നാലഞ്ചു പച്ചമുളക് ഞെട്ട് ഇട്ടു വച്ചാല്‍ മതി

9 .ചീര വേവിക്കുമ്പോള്‍ വെള്ളത്തില്‍ അല്പം ഉപ്പു ചേര്‍ത്താല്‍ ചീരയുടെ നിറം മാറുകയും ഇല്ല, രുചിയും കൂടും

10 .ഇറച്ചി പാചകം ചെയ്യുമ്പോള്‍ വെളുത്തുള്ളി കൂടുതല്‍ ചേര്‍ത്താല്‍ മണവും രുചിയും കൂടും

മുട്ടുവേദന മാറാന്‍

1 .മുരിങ്ങതോലും ഇലയും കുറച്ചെടുത്തു നന്നായി ചതച്ചു നീര് എടുക്കുക . അതില്‍ രണ്ടു മുട്ട വെള്ളയും ചേര്‍ത്ത് പേസ്റ്റ് രൂപത്തില്‍ ആക്കി  വേദന ഉള്ള മുട്ടില്‍ പുരട്ടുക

 

2 .പത്തു മുട്ടതോടുകള്‍ നന്നായി പൊടിച്ചു ഉണക്കി എടുത്തു അറികാടിയില്‍ അരച്ച് ചൂടാക്കുക ഇത് മുട്ടവെള്ള ചേര്‍ത്ത് അടിച്ചു, വേദന ഉള്ള മുട്ടില്‍ പുരട്ടുക 

 

3 .പത്തു എരിക്കില വാട്ടി മുട്ടില്‍ പൊതിഞ്ഞു കോട്ടന്‍ തുണി കൊണ്ട് കെട്ടി വക്കുക. രാത്രി കെട്ടി വച്ച് രാവിലെ അഴിക്കാം

 

4 .ആവണക്കില ചൂടാക്കി മുട്ടില്‍ വച്ച് കെട്ടുക 

 

5 .വെളുത്ത ചെമ്പരത്തി വേര്, ചന്ദനം ഇവ അരച്ച് മുട്ടില്‍ പുരട്ടുക 

 

6 . 30 ഗ്രാം ചങ്ങലംപരണ്ട കഴുകി ചതച്ചു 30 മില്ലി പാലും 120 മില്ലി വെള്ളവും ചേര്‍ത്ത് തിളപ്പിച്ച്‌ 30 മില്ലി ആക്കി വറ്റിച്ചു പ്രഭാത ഭക്ഷണത്തിന് ശേഷം കഴിക്കണംമുട്ടുവേദന മാറാന്‍

ഉറക്കകുറവു

ഉറക്കകുറവു പരിഹരിക്കാന്‍

1 . രാത്രി ഉറങ്ങാന്‍ പോകുന്നതിനു മുമ്പ് രണ്ടോ മൂന്നോ ചുവന്നുള്ളി ചവച്ചു കഴിക്കുക .

2 . ഉലുവ ഇട്ടു തിളപ്പിച്ച വെള്ളം കുടിക്കുകയും അതുകൊണ്ട് മുഖം കഴുകുകയും ചെയ്യുക

3 . അര ഗ്ലാസ് ഇളം ചൂട് വെള്ളത്തില്‍ കാല്‍ ടീസ്പൂണ്‍ തേന്‍ ചേര്‍ത്ത് കഴിക്കുക

4 . രാത്രി ഉറങ്ങാന്‍ നേരം ഉള്ളംകാല്‍ നന്നായി കഴുകി തുടച്ചു വെണ്ണ പുരട്ടി തലോടുക

5 . അര സ്പൂണ്‍ ജാതിക്ക അരച്ചത് പാലില്‍ കലക്കി കുടിക്കുക

6 . ഇരട്ടിമധുരം ജീരകം ഇവ സമം ചേര്‍ത്ത് എടുത്തു പൊടിക്കുക. ഈ പൊടി പത്തു ഗ്രാം എടുത്തു ഒരു കദളിപഴം കൂട്ടി കഴിക്കുക  

7 .ഉറങ്ങും മുമ്പ് ഇളം ചൂടുവെള്ളത്തില്‍ നന്നായി കുളിക്കുക

8 .ഒരു ഗ്ലാസ് പശുവിന്‍ പാലില്‍ രണ്ടു ഗ്രാമ്പു പൊടിച്ചു ചേര്‍ത്ത് കുടിക്കുക .